மாவிலாறு பிரதேசத்தில் வெள்ளத்தால் பாதிக்கப்பட்ட பகுதிகளில் சிக்கியிருந்த 211 பேரை விமானப் படையினர் மீட்டுள்ளனர்.
விமானப்படையின் பெல் 412 மற்றும் எம்.ஐ 17 ரக ஹெலிகொப்டர்கள் மூலம் இவர்கள் மீட்கப்பட்டதாக விமானப்படை ஊடகப் பேச்சாளர் குரூப் கெப்டன் எரங்க கீகனகே தெரிவித்துள்ளார்.
இவ்வாறு மீட்கப்பட்டவர்கள் பாதுகாப்பான இடங்களுக்கு அனுப்பி வைக்கப்பட்டுள்ளதாகவும் தெரிவிக்கப்பட்டுள்ளது.
இதற்கிடையில், மாவிலாறு அணைக்கட்டு உடைந்தமையால் சிக்கிய மக்களை மீட்கும் நடவடிக்கை ஜனாதிபதி அநுர குமார திஸாநாயக்கவின் நேரடி மேற்பார்வையின் கீழ் நேற்று முன்னெடுக்கப்பட்டது.